تسوس الأسنان هو واحد من المشاكل اللي بيعاني منها الأطفال أكتر من البالغين، بسبب إنهم في السن دا مش بيكونوا مدركين تأثير أغلب عاداتهم الغذائية على أسنانهم زي أكل السناكس في أوقات متأخرة والإكثار من الحلويات والعصائر والمشروبات اللي بتحتوي على صودا وكمان كتير من الأطفال مش بيكونوا اتعلموا يستخدموا الفرشة والمعجون بشكل صحيح في السن دا، النهاردة هنشارك معاكم حالة من نوع أخطر من تسوس الأسنان وهو "تسوس الرضاعة" من الأسباب حتى العلاج.
تسوس الرضاعة هو نوع عنيف من تسوس الأسنان وبيتسبب في تآكل الأسنان اللبنية بسرعة وبيدمرها تماماً زي ما هتشوفوا في أول صورة.
من أهم أسباب تسوس الرضاعة هو الرضاعة قبل النوم أو أثناء النوم وعدم مسح الأسنان بعد الرضاعة بفترة كافية واللي بيؤدي لبقاء البكتريا الموجودة في اللبن أو حتى الأكل مع البكتريا الطبيعية الموجودة في أسنان الطفل وبتكون أحماض بتتسبب في تآكل الأسنان وتدميرها واللي اتكلمنا عنها في موضوع على صفحتنا تقدري تشوفيه من هنا
مهم تتابعي أسنان طفلك بشكل يومي، ودي بعض الأعراض اللي هتعرفي منها لو كان طفلك عنده تسوس رضاعة:
خطورة تسوس الرضاعة الواضحة والمباشرة هي تآكل الأسنان اللبنية وتدميرها، لكن الخطورة الأكبر بتكون في الحالة النفسية للطفل بسبب شكل أسنانه خصوصاً مع باقي الأطفال في نفس سنه، وبتسبب مشاكل في الكلام ونطق الحروف خصوصاً مع بداية سن الحضانة وكمان بتصعب عليهم عملية الأكل ومضغ الطعام كويس قبل بلعه واللي بيأثر على عملية الهضم وممكن يسبب مشاكل صحية أبعد لو متمش علاجه بسرعة، دا غير أنه مع تطور التسوس بيصعب علاجه وصعب يتم في العيادة لأن سن الطفل بيكون صغير وعدد الأسنان كتير واللي بيخلي تجربتهم سيئة مع دكتور الأسنان على عكس لو تم علاجه في البداية بيكون بدون الم واللي بيأثر على أهتماهم بصحة أسنانهم بشكل كبير.
تسوس الرضاعة قبل العلاج
تسوس الرضاعة أثناء العلاج
تسوس الرضاعة بعد العلاج
في الصور أحدي حالات تسوس الرضاعة اللي تم علاجها في مركز جست سمايل بمساعدة دكتور منال عزقول.
السن: 3 سنوات.
نوع الحالة: مرحلة متقدمة من مراحل تسوس الرضاعة أدت إلى تآكل عدد كبير من الأسنان.
العلاج: تم العلاج بعمل علاج عصب للأسنان مع تلبيسات Zirconia على الأسنان الأمامية زي ما واضح في آخر صورة واستغرقت العملية جلسة واحدة.
- لأ، العلاج بيكون بدون الم وأحياناً بيكون في الم ما بعد العملية وبيكون الم التخدير بشكل عام أكثر من كونه بسبب الأسنان ولو كان فيه فهو قليل جدا ومن تاني يوم بعد العملية بيكون جيد ويقدر يأكل ويشرب ويعيش حياة الطبيعية.
- مدة الجلسة تتراوح بين ساعة ونصف إلي ساعتين حسب الحالة وعدد الأسنان المتضررة
- متسيبيش الطفل يأخد قيلولة وهو يضع في فمه رضّاعة بتحتوي علي عصير أو حليب عشان السوائل الغنية بالسكر هتلتصق بأسنان الطفل، وبالتالي بتغذي البكتيريا التي ممكن تحفز تسوس الأسنان.
ولو في حالة الضرورة أن الطفل ياخد رضاعة أو ببرونة علشان ينام، خلي الرضاعة فيها مياه بس.
لو عندكم أي أسئلة ممكن تشاركوها في التعليقات ودكتور منال هترد عليكم ❤️
عربي 
English 
مرحبا دكتورة.
انا ابني لديه تآكل اسنان الامامية وعمره 3 سنوات… نفس الحالة يلي مصورينها بالظبط… ممكن اعرف التكلفة كاملة… واين سوف تتم العملية.. لأحسب تكاليف السفر والاقامة.. وشكرا..
انا بنتي سنه و نص وعندها تسوس رضاعه في ال٥ اسنان اللي فوق و واحده اتكسرت و التانيه على وشك ..هل في اي ضرر لو عملت طرابيش و هي في السن ده..والتكلفه هتكون كام
الف سلامة على بنت حضرتك أ. أسماء، في الحالة دي مفيش أي مشكلة، احنا بنعمل عصب وطرابيش زيركون للشكل الجمالي إلى أن يحين تبديلهم عند سن ٧ سنين أو أكتر شوية ودا بيختلف من طفل لاخر.