فرشة أسنانك شكلها برئ بما فيه الكفاية وهي علي الحوض، لكن قبل ما تستعملها المرة الجاية حط في اعتبارك إن في المتوسط فرشة الأسنان العادية بتحتوي علي 10 مليون بكتريا أو أكتر وفقاً لدراسة أجراها دكتور كولي ودكتور ستاف بجامعة مانشستر بإنجلترا.
أسنان ولسان وحنجرة! صح بس مش دا المقصود بالسؤال، دا اللي أنت تعرفه إنما اللي متعرفوش إن في أي مرحلة من حياتك في 100-200 نوع من البكتريا الفموية عايشة في فمك.
دكتور آن ووي متخصصة تقويم الأسنان بتقول "في الفم اللي مش بيتم غسله بفرشة الأسنان، ممكن يكون في كم كبير من الجراثيم كأرضية حمام قذرة" بالإضافة لكدا فرشة الأسنان الخاصة بيك ممكن تكون مغناطيس للبكتريا الصغيرة وبتجذب البكتريا من أكتر من مصدر، لو كنت بتفضل تخلي فرشة أسنانك علي -أو جنب- الحوض فا دا بيخليها معرضة للتلوث بالمياه المتناثرة أثناء غسل اليدين، أو أياً كان اللي بتغسله من علي ايدك ممكن يوصل بسهولة لفرشة أسنانك.
عمرك فكرت في إيه اللي بيحصل لما بتفرغ التوايلت والغطا بتاعه مفتوح؟ البكتيريا والفيروسات المتساقطة من رذاذ التوايلت بتفضل محمولة جواً بما يكفي لتستقر على الأسطح في جميع أنحاء الحمام، دا اللي قاله دكتور ويشير تشارلز، دكتور وأستاذ علم الأحياء الدقيقة والعلوم البيئية بكلية الصحة العامة في جامعة وكمان دراسة إنجليزية وجدت أن البكتيريا المسببة للإسهال بتتطاير عند تفريغ التوايلت لارتفاع بيوصل لـ 25 سنتيمتر فوق التوايلت.
وقتها فرشة الأسنان بتتلامس بشكل مباشر مع جسيمات البكتريا اللي وصلت المنطقة دي دا بالإضافة لأي حاجة كانت في قدم أي حد مشي عليها.
لأن كدا فرشة الأسنان مش هتجف كفاية بين كل مرة بتغسل فيها أسنانك ودا بدوره بيشجع علي تكاثر البكتريا، دا ناهيك عن إن لو بيتم الاحتفاظ بكل فرش أسنان الأسرة في نفس المكان دا بيسمح للبكتريا إنها تنتقل من فرشة للتانية لو شعيراتهم متلامسة، ودي حاجة خطرة جداً خصوصاً لو أحد أفراد الأسرة مصاب بأي مرض لأنه بكدا ممكن ينتقل بكل بساطة لباقي الأسرة.
وبنفس الفكرة البكتريا ممكن تنتقل بسهولة من شخص للتاني لو أكتر من شخص استخدموا نفس فرشة الأسنان، فا ننصح دايماً بعدم مشاركة فرشة أسنانك مع أي حد وكمان عدم استخدام أي فرشة أسنان خاصة بأي شخص تاني تحت أي ظرف.
لو كان الكلام اللي فوق مخيف بالنسبالك فا أستعد تاخد خطوات أكثر جدية في الحفاظ علي نظافة فرشة أسنانك وخلوها من أي بكتريا ضارة.
جدد فرشة أسنانك مرة كل 3 شهور علي الأكثر أو لو تلفت قبل كدا، لأن عملية التبديل هي أسلم حل للتخلص من الجراثيم العالقة بيها وكمان لزيادة فعالية عملية غسل أسنانك كل يوم.
معظم أنواع معجون الأسنان بتساعد علي قتل وتقليل البكتريا إلا إن بعض الأنواع أفضل من غيرها في المهمة دي تحديداً، علي سبيل المثال معجون الأسنان اللي بيحتوي علي الـ Triclosan/Copolymer أفضل من معجون الأسنان اللي بيحتوي علي الفلورايد في عملية التخلص من الجراثيم.
تقدر تعرف أكتر عن اختيار معجون الأسنان الأنسب لأسنانك في البوست دا
لو عايز تكون آمن تماماً من انتقال أي بكتريا يفضل كمان تتجنب مشاركة معجون الأسنان مع حد تاني، وخاصتاً بالنسبة للأسر اللي بتستخدم نفس عبوة معجون الأسنان.
أو لو كنتوا أسرة بتستخدموا نفس معجون الأسنان، يفضل تتجنبوا الضغط علي عبوة معجون الأسنان لدرجة ملامستها لشعيرات فرشة الأسنان، من الأفضل إنكم تضيفوا معجون الأسنان علي الفرشة بدون ملامستهم لبعض.
من المهم جداً الاهتمام بفرشة أسنانك وتحديداً شعيراتها، ويفضل تغسلها من وقت للتاني باستخدام غسول فم مضاد للجراثيم، خصوصا لو كانت وقعت منك علي الأرض، وطبعاً مهم تغسل فرشة أسنانك بعد كل مرة تغسل بيها أسنانك باستخدام مياه دافية أو حتي صابون مضاد للجراثيم بس لو تستخدم صابون مضاد للجراثيم إتأكد من غسلها كويس عشان ميبقاش فيها أي بقايا منه.
من المهم إنك تخلي التوايلت مقفول طالما مش بيتم استخدامه ومهم جداً متنساش تقفله قبل أي مرة بتفرغه فيها لعدم انتقال أي ميكروبات في باقي الحمام.
يفضل عدم الاحتفاظ فرشة أسنانك في مكان مغلق تماماً إلا إذا كان درج الأدوية، تقدر تعرف إذا كانت فرشة أسنانك بتحصل علي تهوية جيدة لو لقيتها جفت تماماً بين كل استخدام، ولو بتحتفظ بفرش أسنان الأسرة كلها في مكان واحد لازم تتأكد إن شعيراتهم مش بتتلامس.
صحة أسنانك تهمنا ومشاركتك للبوست دا هتساهم في نشر ثقافة أفضل لشخص ما في العناية بصحة أسنانه، ولمعلومات صحية أكتر هتساعدك في العناية والاهتمام بصحة أسنانك متنساش تتابعنا علي صفحتنا.
عربي 
English 