نسيت بياناتك؟

تسجيل حساب

تعرف علي مركز جست سمايل

إبتسامتك وصحة أسنانك هما أهدافنا الأساسية ❤

في جست سمايل إحنا مش بس بنتوقف عند علاج مشاكل أسنانك وتزويدك بأجمل ابتسامة ممكن تحصل عليها، إحنا عارفين إن العلاج الأساسي بيبدأ من عندك، لذلك إحنا بنحرص تماماً علي تثقيف المرضي وتوعيتهم بالطرق الصحيحة للعناية بصحة أسنانهم لأن دا بينعكس علي صحتهم عموماً. عشان كدا بشكل متواصل أطبائنا بيشاركوا حلول لمشاكل ومعلومات مفيدة هتساعدك في العناية بصحة أسنانك تقدر تتابعها علي صفحتنا علي فيسبوك أو تشوف نصائح أطباءنا علي يوتيوب أو حتي تتواصل معانا بشكل مباشر علي تويتر، ولتجربة فريدة من داخل المركز تقدر تشوف صورنا علي إنستجرام.

بداية الحكاية...

حكاية جست سمايل

من بداية التفكير في جست سمايل، كنا بنحاول نجاوب علي سؤال محدد وهو "إزاي نقدر نوصل لأفضل تجربة علاج أسنان في مصر؟" وكانت الإجابة واضحة: أفضل دكاترة أسنان متخصصين + أحدث أجهزة علاج أسنان + تصميم المركز بطريقة مبتكرة لتقليل القلق وتوفير الراحة للمريض قبل وأثناء مقابلة دكتور الأسنان + الاهتمام اللي المريض محتاجه ومتابعة حالته حتي بعد العلاج = نقلة جديدة في تجربة علاج الأسنان في مصر.

طارق رفاعي

المدير التنفيذي لمركز جست سمايل

أما بالنسبة للأطفال فكان ليهم الجانب الأكبر من اهتمامنا لإيمانا العميق بأنهم لو اكتسبوا ثقافة زيارة طبيب الأسنان في المرحلة دي حياتهم هتبقي أسهل وأكثر صحية، عشان كدا أهتمينا بعمل مساحة كاملة مخصصة بس للأطفال، بتحتوي علي كتب والعاب وأدوات رسم وتلوين وكل اللي محتاجينه عشان يحسوا أنهم في مكانهم المفضل مش في مركز أسنان بشكله التقليدي، وحتي العيادة الخاصة بيهم تم تصميمها وتزيينها بصور والعاب لتوفير تجربة ممتعة ولطيفة ليهم أثناء علاج أسنانهم.

إحنا مؤمنين بالتخصص

في الحياة عموماً وعلاج الأسنان بالأخص، عشان تقدر تاخد أفضل طعم ممكن لازم "تدي العيش لخبازه" ودا اللي إحنا مؤمنين بيه في جست سمايل، وهو إن عشان نقدر نوصل لأفضل نتيجة ممكنة لازم يكون في دكاترة مش بس الأكثر خبرة ومهارة ولكن الأدق تخصصاً. بشكل عام في كتير من عيادات الأسنان اللي بتوفر خدمات متشابهة بأسعار مختلفة، عشان توصل للحل الأمثل لمشكلتك مش لازم تزور أكتر من عيادة أسنان لأننا في جست سمايل جمّعنا كل التخصصات في مكان واحد وقسّمنا المركز لوحدات داخلية بالتخصصات دي: - وحدة التركيبات الثابتة والمتحركة - وحدة علاج الجذور والعصب - وحدة جراحة الوجه والفكين - وحدة علاج الأطفال - وحدة خدمات اللثة - وحدة التجميل - وحدة التقويم - وحدة الزراعة الوحدات بيتم فيها تقديم 63 خدمة علاج أسنان مختلفة، وكل العيادات بيتم العمل فيها تحت إشراف دكاترة أسنان استشاريين متخصصين في مجالاتهم بخبرة متقلش عن 20 سنة، ودا السر في سعادة المرضي في جست سمايل.

ليه تختار جست سمايل؟

لأننا علي مدار سنة قدرنا نعالج أكتر من 1100 حالة في 8 وحدات رئيسية بأكثر من 63 نوع مختلف من خدمات الأسنان بمساعدة أكتر من 12 طبيب أسنان متخصص بمركزنا كل دا تم باستخدام أكتر من 30 جهاز من أحدث الأجهزة المستخدمة في علاج الأسنان والمتوفرة في مصر والشرق الأوسط عموما ً.. جست سمايل إبتسامتك من القلب.

آراء عملاءنا

انا زورت أطباء أسنان كتير قبل كدا ولكن بالنسبة لي المكان دا مدهش، دكاترة محترفين، ومكان نظيف جداً وفريق عمل ودود.. شكرًا د. هبة لطفى ود. إنجي نوح على كل اللي قدمتوه

سحر شوقي

كنت حابة أشكر دكتور منال جداً علي صبرها مع بنتي، بنتي دخلت العيادة بتبكي وخرجت منها مبسوطة ومبتسمة وكمان مستنيه الزيارة الجاية.. شكراً جداً يا دكتور منال

هبة عمرو

حقائق عن المركز

0

حالة تم علاجها

0

وحدات رئيسية

0

طبيب أسنان متخصص

0

خدمة طبية

أحدث مركز طبي متكامل في جراحة وعلاج الأسنان تحت إشراف نخبة متخصصة من أطباء الأسنان في مصر.

عنوان المركز

زهراء المعادي, مبني رقم15, شطر 13, الدور الثاني.

تواصل معنا

201011556776+
0225173141+
[email protected]

تابعنا على

© 2019 جميع الحقوق محفوظة، مركز جست سمايل.

تم تطويره بكل ❤ في Ataki Studio

للأعلى