FORGOT YOUR DETAILS?

CREATE ACCOUNT

ازاي تتخلص من رائحة الفم الكريهة

من المشاكل المحرجة اللي ممكن تواجهك بالرغم من الاهتمام بالاسنان وغسلها مشكلة رائحة الفم الكريهة ومش دايمًا اللبان او معطر الفم ينفع يكونوا حل لأنهم في الأخر مجرد حلول مؤقتة.

أسباب رائحة الفم الكريهة

من المهم جدًا معرفة سبب المشكلة عشان تعرف تحلها، اوقات تجنب سبب واحد

 ممكن يحل المشكلة ببساطة! عشان كدا هنتكلم عن اهم اسباب مشكلة رائحة الفم وإزاي تقدروا تحلوها.

  • جفاف الفم وقلة افراز اللعاب
    اللعاب بيكون ليه دور فعال في تطهير الفم من البكتيريا المسببة لرائحة الفم، المحافظة على رطوبة الفم وتناول سوايل كتير بيساعد بنسبة كبيرة على حل المشكلة.
  • بعض الأكلات اللي ريحتها قوية
    او الأكلات اللي بتحتوي على الثوم أو البصل يفضل تجنب الاطعمة دي أو عدم الإكثار منها والاهتمام بغسل الاسنان بشكل فعال مهم للتخلص من اثارها على رائحة الفم.
  • التدخين
    مش بس هيسببلك رائحة فم كريهة لأ وكمان هيزود اصفرار الأسنان بجانب تأثيره السلبي على اللثة واضرار صحية كتير، الابتعاد عن التدخين بكافة اشكاله مهم لأنه عادة لابد من التخلص منها.
  • تنظيف الاسنان بس بطريقة غلط
    مهم اوي التأكد من غسيل الاسنان بطريقة صح والتخلص من واقي الاكل بين الاسنان.
  • امراض الفم واللثة
    الأمراض زي تسوس الاسنان غير الالام اللي ممكن تسببه كمان بتأثر على رائحة النفس وبالطبع في الحالة دي بننصح بالكشف وسرعة العلاج لحل سبب المشكلة الاساسي.
  • بعض الامراض الأخرى
    زي التهابات الجيوب الانفية او امراض المعدة والتهاب اللوز من ضمن أسباب رائحة الفم وعلاجها هيساعد بشكل كبير في حل المشكلة.

 

زي ما قولنا في البداية الحل بيبدء من معرفة الاسباب وعلاجها او تجنبها بذات لما تكون مشكلة اوقات ممكن تسبب بعض القلق.

 ايه السبب اللي ممكن يكون سبب المشكلة عندك؟ تابعونا عشان تستفيدوا وشير لغيركم عشان المعلومة توصلهم ❤

لمزيد من النصائح لمزيد من الملعومات الطبية لمزيد من المحتويات تابعونا على

Leave a Reply

Your email address will not be published. Required fields are marked *

TOP